Concerto que pechou as festas do S.Froilán 2009.
E con éxito de público.
Fuxan, un grupo que nace en Lugo e que nunca tocara antes nestas festas.
Reivindicativos en todo pero de xeito especial no relativo ao noso idioma, neste momento atacado de xeito fero polos neocons do Pp (vivir en galego, en Galiza), interpretaron as súas pezas clásicas ("actualizadas") coa colaboración de Guadi Galego, Xabier Díaz, Pepe Ferreirós, Miguel Lustres, Sabela... baixo a dirección de Xosé Lois Romero.
Soaron en música poemas de Manuel María, Darío Xohán Cabana, Marica Campo...
Unha marabilla poder escoitar a vellos amigos: Tareixa Novo, Moncho, Carme...
Concerto retransmitido en directo para Radio3.
Atopei alí a unha concelleira do Pp que o estaba pasando "fenomenal, chico" e eu:
--¿E ti que pintas neste concerto, miña nena...?
-- Sempre me gustaron moito os Fuxan os Ventos
-- Pero cantan en galego, defenden o galego, e os do Pp...
-- Non todos os do Pp atacan o galego.A maioría defendemolo.
-- Xa que logo irás o 18 a Santiago...
-- ¡Ai rapás! Iso éche outro conto, un tema distinto.
|
Arquivos
